Eleaniztasuna Espainian: iragana eta oraina

Estatuko Artxiboen Zuzendariordetza Nagusiak ildo estrategikotzat jo du artxibo-zentroetan gordetzen den dokumentu-ondare eleanitza ikusaraztea.

Artxiboetan gordetzen den dokumentu-ondarea denboran zehar eboluzionatu duen hizkuntza-erabileraren idatzizko produktua da. Hizkuntza horietako batzuk gaur egun ofizial, koofizial edo gutxitu gisa sailka daitezkeenak dira. Sailkapen hori Espainiako Konstituzioak ezarritakoaren ondorioa da, 3. artikuluan honako hau ezartzen da eta:

1. Gaztelania da Estatuko espainiar hizkuntza ofiziala. Espainiar guztiek dute hura ezagutzeko betebeharra eta erabiltzeko eskubidea.
2. Espainiako gainerako hizkuntzak ere ofizialak izango dira autonomia-erkidegoetan, beren estatutuen arabera.
3. Espainiako hizkuntzen aberastasuna kultura-ondarea da, eta bereziki errespetatuko eta babestuko da.

Horrenbestez, Espainiako hizkuntzen aberastasuna bereziki errespetatu eta babestu behar den kultura-ondarea dela ulertuta, eta Estatuko Artxiboetako dokumentu-funtsen hizkuntza-aberastasuna eskuratzeko aukera errazte aldera, webgune honetan bereziki paradigmatikoak diren hainbat funts eta serie biltzen dira. Helburua informazio hori aldian behin gehitzea eta eguneratzea da.